ஊழலை ஒழிப்பதற்கான சட்டப்பூர்வமான மற்றும் நிர்வாக ரீதியான ஆலோசனைகளை தெரிவிப்பதற்காக, மத்திய நிதியமைச்சர் பிரணாப் முகர்ஜி தலைமையில், எட்டு பேர் கொண்ட அமைச்சரவை கமிட்டி, கடந்த வாரம் அமைக்கப்பட்டது.

• சிதம்பரம்
• சரத் பவார்
• அந்தோணி
• வீரப்ப மொய்லி
• கபில் சிபல்
• மம்தா பானர்ஜி
• அழகிரி

1. எந்த ஒரு முடிவையும் காங்கிரஸ் மேலிடம் தான் முடிவு எடுக்கும். அந்த அந்த பகுதிகளுக்கேற்ப தான் இந்த குழு அமைந்துள்ளது. கிழக்கு, மேற்கு என்று உள்ள திசைகள் போல அந்த பகுதிகளின் முடிவுகளுக்கு அந்த அந்த மாநிலங்களில் உள்ள கூட்டணி கட்சிகளிடம் ஆலோசனை செய்யப்படும். உதாரணம்: தமிழகம் என்றால் திமுக, கிழக்கு இந்தியா என்றால் மம்தா, மேற்கு என்றால் பவார்.
2. கூட்டணிகட்சிகள் அடிக்கும் பணத்தில் ஒரு பகுதியை மத்திய அரசிற்கு கொடுக்க வேண்டும். அப்படி கொடுக்கும் பணம் மத்திய அரசு கூட்டணிகட்சிகள் செய்யும் ஊழல்களை கண்டுகொள்ளாமல் இருப்பதற்கு மட்டுமே. ஒருவேளை விடயம் வெளியே வந்தால் மறைக்கும் வேலைக்கு கூட்டணிகட்சிகள் தனியாக பணம் கொடுக்க வேண்டும். உதாரணம்: ஸ்பெக்ட்ரம் ஊழல்களை வெளிக்கொண்டு வருவதற்கு தூண்டிவிட்டதன் மூலமும் கணிசமான தொகை கிடைத்தது. அதை மறைக்க நடத்தப்படும் வேலைகளின் மூலமும் பணம் கிடைக்கிறது. இதன் மூலம் அரசு இயந்திரங்களுக்கு முழு நேரமும் வேலையும் சம்பளமும் கிடைக்கிறது.
3. மாட்டிகொள்ளாமல் ஊழல் செய்வது பற்றி சிறப்பு வகுப்புகள் எடுக்கவும் ஏற்பாடுகள் செய்யப்படும். அதில் முழுநேர ஊழியர்களாக பணியாற்ற திமுக சார்பில் மூன்று பேரும் மத்திய அரசின் சார்பில் நான்கு பேரும் பணியாற்றுவார்கள்.உதாரணம்: மொத்தமாக அடிக்கும்போது பிசிறு விடக்கூடாது. கூடிய மட்டும் இடைத்தரகர்களை தவிர்க்க வேண்டும்.
4. ஊழல்களை கண்டுபிடித்து வழக்குகள் போட்டும் வழக்குகள் போடுவதாகவும் மிரட்டும் நபர்களை குண்டர்கள் சட்டத்தில் கைது செய்ய சட்டம் இயற்றப்படும். உதாரணம்: சுப்ரமணியசுவாமி பதிவு செய்த வழக்குகளும் மிரட்டல்களும் அதிகம்.
5. மக்களுக்கு லஞ்சம் பற்றிய விழிப்புணர்வு கொண்டு வர ஐந்து அம்ச திட்டம் லஞ்சம் கொடுத்து நடைமுறைபடுத்தபடும்.

   உதாரணம்: இலவச வேட்டிசேலை, இலவச தொலைகாட்சிபெட்டி என்று இலவசம் என்று எதைகொடுத்தாலும் ஏன் என்று கேட்காதாவாறு கொடுக்கும் தமிழக அரசின் திட்டங்கள் மற்ற மாநிலங்களுக்கும் விரிவுபடுத்தப்படும் 

ஆண்டவன் கொடுக்கிறான். நான் பெற்று கொள்கிறேன் என்று நமது எண்ணிக்கை நாளுக்கு நாள் அதிகமாகி வருகிறது. இதில் எம்மதமும் விதிவிலக்கில்லை. நமது தலைவர்களாவது நமக்கு வழிகாட்டுவார்கள் என்று பார்த்தால் அவர்கள் இதை பற்றி திறப்பதிற்கு பதிலாக இதனை ஊக்குவிக்கும் தொலைக்காட்சிபெட்டிகளை வாங்கி வழங்கி அதில் ஒரு தொகை பார்ப்பதையே வேலையாக கொண்டுள்ளனர். நான் என்ன தான் நேராக விடயத்திற்கு வராமல் பேசினாலும் இந்த பதிவு நமது மக்கள்தொகை பற்றியது.

முன்பெல்லாம் பத்து பதினைந்து பிள்ளைகள் பெற்று கொள்ளுவார்கள். அதில் குறைந்தது இரண்டு அல்லது மூன்று குழந்தைகள் வளரும் பொது இறக்க நேரிடும். வறுமையினால் மட்டும் தான் இந்த இறப்பு என்று கிடையாது. அப்போது இருந்த நோய்கள் எல்லாம் இப்போது இல்லை. ஒரு வேளை இருந்தாலும் அதற்கான தடுப்பு மருந்துகள் எல்லாம் கிடைத்து விடுகின்றன. அதனால் முன்பு எப்படி பெற்று எடுத்து வளர்த்தார்களோ அதே வீதத்தில் போக வேண்டிய தேவை இப்போது இல்லை. முன்பு வீட்டில் பதினைந்து பேர் இருந்தால் விவசாயம் செய்ய வெளியாட்கள் எல்லாம் தேவை இல்லை. அந்த குடும்பமே அந்த வேலையே செய்ய இயலும். இப்போது பதினைந்து பேர் ஒன்றாக இருக்கும் குடும்பங்கள் ரொம்ப குறைவு. அவர்களும் விவசாயம் பார்த்து சாப்பிட்டால் வீடு தாங்காது என்பதே நிலையாக இருப்பதால் ஆளுக்கு ஒரு வேலை என்று பார்த்து கூட்டு குடும்பம் என்பதை பெயருக்காவது கடைபிடிக்கின்றனர்.




ஒவ்வொரு பிரச்சினைக்கும் ஒவ்வொரு காரணம் இருக்கும். ஆனால் எல்லா பிரச்சினைக்கும் எனக்கு தெரிந்து இதுவொன்றே காரணம்.




இலங்கை சுதந்திரம் அடையும்போது இருந்த அதே அளவில் தான் ஈழத்தமிழர்கள் இருக்கிறார்கள். ஆனால் சிங்களர்களோ தங்களின் மக்கட்செல்வங்களை பெருக்கியுள்ளனர். இதனால் முன்னர் இருந்த விகிதாச்சாரம் முற்றிலும் மாறியுள்ளது. ஒற்றை பிள்ளை பிள்ளை பெற்றவனுக்கும் பதினைந்து பிள்ளைகள் பெற்றவனுக்கும் ஒரே அளவு முதல் தலைமுறையில் இருப்பதாக கொண்டால் மூன்றாம் தலைமுறையில் ஒற்றை பிள்ளை பெற்றவனின் குடும்பம் மற்றவனின் குடும்பத்தை விட பல மடங்கு வசதி படைத்து இருக்கும். அப்போது வரும் தாழ்வு மனப்பான்மையால் இந்த பதினைந்து பிள்ளைகள் பெற்றவனின் குடும்பம் எப்போது அவர்களை கவிழ்க்கலாம் என்று இருக்கும்.



சாதாரண அண்ணன் தம்பிகளிடமே இந்த பிரச்சினைகள் இருக்கும்போது ஒரே தீவு இரு வேறு இனங்கள் ஒன்றாக இருக்க வாய்ப்பு இல்லை.

முன்பெல்லாம் இருந்த விலை இப்போது இல்லை. எல்லாம் மாறிவிட்டது என்று சொல்பவர்கள் முதலில் அவர்களின் குடும்ப உறுப்பினர்களின் எண்ணிக்கை எத்தனை? அவர்களில் எத்தனை பேர் ஒரே இடத்தில் இருக்கிறார்கள் என்று பார்த்தால் புரியும். (இப்போதைய சூழலில் மக்கள்தொகை குறைக்க கூட்டு குடும்பமும் விவசாயமும் தான் சரியான தீர்வாகும். இதை சொல்கின்ற நானே இதை செயல்படுத்த முடியாது என்கின்ற நிலை என்று இருப்பதால் அடுத்தவர்களை குறை சொல்லவும் முடியாது. :-) ). மக்கள்தொகை பெருக்கம் என்பது எல்லாம் சென்றுவிட்டது. இப்போது இதன் பெயர் வெடிப்பு.




எப்போதும் நாம் எந்த ஒரு துறையிலும் முற்றிலும் தன்னிறைவு பெற்ற நாடு கிடையாது. ஒவ்வொரு விடயத்திலும் தன்னிறைவு என்ற பெயரில் நாம் ஊரை அல்ல நாட்டை ஏமாற்றி கொண்டு இருக்கிறோம். (அது பற்றி ஒரு பெரிய பதிவு போட வேண்டிருக்கும்) அப்படி இருக்கும்போது நமது மக்கள்தொகைக்கு ஏற்ப நாமும் விவசாமும் பார்க்கவில்லை. வெளிநாடுகளில் இப்போது வாங்கும் விவசாய பொருட்களின் எண்ணிக்கைகளும் அதிகரித்து ஒரு அளவில் மாத்திரைகளை மட்டுமே சாப்பிடும் நிலை இங்கே வரலாம். அல்லது இந்தியாவிற்கு ஏற்றுமதி செய்ய கூடாது என்று அந்த நாடுகளும் முடிவு எடுக்கும் நிலை வரலாம்.நம்ம மக்கள்தொகை தான் வெடிப்பு என்று சொல்கிறோம். அவர்களுடையது மக்கள்தொகை பெருக்கமே. பெருக்கத்தை உள்நாட்டில் இருக்கும் பொருட்களை கொண்டே சமாளிக்க முடியும். அப்படி இருக்கும்போது அவர்களின் தேவை போகவே நமக்கு ஏற்றுமதி செய்ய இயலும். ஒரு நாட்டில் ஒரு முறை உணவு தட்டுபாடு வந்தது என்றால் முதலில் தடை செய்வது உணவு பொருட்கள் ஏற்றுமதியை தான். அப்படி ஒரு நாடு தனது தேவைக்காக அங்கே ஏற்றுமதி தடை கொண்டு வந்திருக்கும்போது எங்கே என்ன செய்ய முடியும்? வெங்காயத்திற்கு பதில் தொலைக்காட்சி பெட்டியையா சமைக்க முடியும்.



அவன் கொடுக்கிறான். நான் வாங்குகிறேன். இதில் உனக்கு என்ன கஷ்டம். யாருக்கு என்ன நஷ்டம். எந்த ஒரு இலவசமும் முதலில் இனிக்க தான் செய்யும் பின்னர் அதுவே பரவி நம்மை முடமாக்கும். எப்போது எல்லாம் தொலைகாட்சியை பார்க்கிறோம்? பொழுது போகவில்லை என்றா? சரி. இது விவசாயம் செய்பவர்களுக்கு பொருந்துமா? நிச்சயம் பொருந்தாது. அப்படி இருக்கும்போது தொலைகாட்சிகளின் எண்ணிக்கை மக்கள்தொகையினால் பெருகி தெருவிற்கு ஒன்று இருந்த போதே நாம் நாள்கணக்கில் அதனை கண்டு களித்தோம். இப்போது வீட்டுக்கு வீடு என்னும்போது எப்படி இருக்கும்?



இப்படி மக்கள்தொகை அதிகமாக்கும் பொருள் தருவதை விட(தொலைகாட்சியில் நடுஇரவில் வரும் பாடல்கள் எல்லாம் கேட்ட பின்னர் சும்மாவா படுக்க முடியும்) அரசே குடும்பக்கட்டுப்பாட்டை கட்டாயமாக்கலாம். இல்லை என்றால் இலவசம் என்று கேட்கும் எல்லாருக்கும் ஆணுறையை மட்டும் இலவசமாக கொடுக்கலாம். (இதனை பெறுவதற்கும் யோசிப்பார்கள்) நம்மை விட மக்கள்தொகை அதிகம் உள்ள சீனா இப்போது மக்கள்தொகை வெடிப்பை தடுக்க குடும்பகட்டுபாட்டு திட்டங்களை கட்டாயமாக்கி உள்ளது. நாம் இரண்டாம் இடத்தில் தானே என்று நினைக்கிறோம். ஆனால் நாம் தான் முதலிடத்தில் இன்னும் பத்து வருடத்தில் இருப்போம். சீனாவின் உணவு உற்பத்தி தன்னிறைவு அடைந்து பல வருடங்கள் ஆகின்றது. அதே நேரத்தில் அவர்கள் மக்கள்தொகையும் கட்டுக்குள் கொண்டு வந்து உள்ளார்கள். அடுத்த பத்து வருடங்களில் என்ன செய்வது என்று அங்கே ஒரு செயல்திட்டத்திற்கு வந்து விட்டார்கள். ஊழலும் குறைவு( ஊழல்களுக்கெல்லாம் சாதாரணமாகவே மரண தண்டனை கிடைப்பதாக கேள்வி).



அடுத்த பத்து வருடத்திற்குள் ஒரு ஒழுங்கற்ற ஒழுங்கினமான செயலற்ற நிலையில் இருக்கும் நாடாக இந்தியா இருக்க வாய்ப்பு இருக்கிறது.

• இதுவரை ஊழல்கள் செய்தவர்கள் எவரும் தண்டிக்கப்படவில்லை.
• ஊழல்கள் எல்லாத்துறையிலும் மலிந்து போய்விட்டன.  
• மக்கள்தொகையை கட்டுக்குள் கொண்டுவர முயற்சிகள் இல்லை. 
• உணவு உற்பத்தியில் தன்னிறைவு அடையவில்லை. 
• மக்கள்தொகை வெடிப்பு ஒரு அளவில் யாரும் யாரையும் குறை சொல்ல முடியாத நிலைக்கு தள்ளும்.

உதாரணம்: ராணுவ வீரர்கள் லஞ்சம் பெற்று கொண்டு எல்லைகளை விட்டு கொடுத்தால் என்னவாகும் ?

தென் மண்டல அமைப்புச் செயலாளர் பதவியிலிருந்து விலக அழகிரி முடிவு செய்துள்ளதாகவும், மத்திய அமைச்சர் பொறுப்பில் இருந்து விலகுவதாகவும் செய்திகள் சொல்லுகின்றன. அடுத்த வாரம் நடக்க உள்ள கனிமொழி ஏற்பாடு செய்துவரும் சென்னை சங்கமம் நிகழ்ச்சியை ரத்து செய்ய வேண்டும் என்றும் முன்னாள் மத்திய அமைச்சர் ராசாவை தற்காலிகமாக தி.மு.க -விலிருந்து நீக்க வேண்டும் என்றும் கோரிக்கை விடுத்ததாக தெரிகிறது. இது உண்மையில் நம்பும்படியாக இல்லை. ஏன் என்றால் மதுரையில் எந்தவொரு பத்திரபதிவும் அஞ்சாநெஞ்சனுக்கு தெரியாமல் நடக்காது. ஒவ்வொரு பத்திரபதிவு பதிவாளரும் அண்ணனிடம் ஒருவார்த்தை சொல்லியாச்சா என்று கேட்டுவிட்டே பத்திரங்கள் பதிவது வழக்கம். பத்திரபதிவில் வரும் கட்டிடம் அல்லது நிலத்தின் மதிப்பு ஒரு கோடிக்கு மேல் இருந்தால் கண்டிப்பாக அந்த பகுதி பத்திர பதிவாளர் சொல்லும் ஒரே வார்த்தை" அண்ணன்கிட்ட சொல்லியாச்சா என்று தான்". இது தவிர முக்கிய இடங்களில் உள்ள நிலங்கள் அல்லது கட்டிடங்கள் சம்பந்தமான பத்திரபதிவிற்க்கும் இது பொருந்தும். அப்படி இருக்கும் அண்ணன் ஏற்கனவே இந்த ஸ்பெக்ட்ரம் ஊழல் மூலம் கிடைத்த பணத்தில் ஒருபகுதியை பெற்று உள்ளதாக தெரிகிறது. அண்ணனிடம் ஒரு நல்ல விடயம் என்னவென்றால் பணம் வாங்குவதற்கு முன்னர் தான் அவர் எதிரியாக பார்ப்பார். பணம் வாங்கி விட்டார் என்றால் நீங்கள் அவரின் சொந்த தம்பி என்ற அளவுக்கு பார்த்து கொள்ளும் அளவிற்கு நன்றி பாராட்டுவார்.

அவரின் இயல்பு இப்படி இருக்க, அவர் சென்று ராஜினாமா பற்றி பேசியதாகவும் மிரட்டல் விடுத்ததாகவும் வந்த கதையானது அடுத்த நாடகமாகவே தெரிகிறது. நாங்க எல்லாம் நல்லவர்கள், அவர்கள் தான் ஊழல் செய்தார்கள் என்று சொல்வதற்கு இப்படி ஒரு நாடகம் நடத்தி உள்ளனர். எப்பவும் கருணாநிதி ஒரு பிரச்சினையோ இல்லை ஒரு சம்பவத்தையோ மறைக்க வேறு ஒரு சம்பவத்தை அல்லது பிரச்சினையை நடத்துவது வழக்கம். அதில் ஒன்று தான் இது.


இதற்கு முன்னர் நடந்த நாடகங்கள் சிலவற்றை கீழே குறிப்பிட்டு உள்ளேன்.

1. ஈழத்தமிழர் படுகொலைகளை தடுக்க தமிழக பாராளுமன்ற உறுப்பினர்கள் ராஜினாமா
2. ஈழத்தமிழர் படுகொலைகளை தடுக்க முன்னுதாரனமாக கனிமொழி ராஜினாமா
3. ஈழத்தமிழர் படுகொலைகளை தடுக்க கருணாநிதியின் நான்கு மணிநேர உண்ணாவிரதம். 
4. ஈழத்தமிழர் படுகொலைகளை தடுக்க கருணாநிதியின் மனித சங்கிலி போராட்டம். 
5. ஈழத்தமிழர் படுகொலைகளை தடுக்க தந்திகள் அனுப்பும் போராட்டம் 
6. ஈழத்தமிழர் படுகொலைகளை தடுக்க ஈழம் கூட வாங்கி தர தயார் என்று ஒரு முறை கூறி மறுநாளே மறுப்பு தெரிவித்தார். இதே போல் பிரபாகரன் நண்பர் என்று சொல்லி மறுநாள் பல்டி அடித்தார். பிரபாகரன் தீவிரவாதி அல்ல அவர் சார்ந்த இயக்கம் சரியில்லை என்று கூறி உள்ளார். 
7. பாராளுமன்ற தேர்தலுக்கு முன்பு, அவர் ( மட்டும்) அறிவித்த போர் நிறுத்தத்திற்கு பிறகு நூற்றுக்கணக்கான மக்கள் கொல்லப்படுவதாக செய்தி வந்த போது அவர் என்ன சொன்னார் ? மழை விட்டும் தூவானம் விடவில்லை என்றார். அதே பேட்டியின் இறுதியில் இப்போது என்ன செய்யலாம் என்றிருக்கிறீர்கள் ( இலங்கை தொடர்பில்) என வினவியபோது நக்கலாக நாம் போய் டீ குடிக்கலாம் என்றார். ஒரு இன மக்களின் பேரழிவிற்கு பிறகு சுமுக நிலை நிலவுவதாக சொன்னார். இதன் பொருள் தான் (அல்லது தாம் ) விரும்பிய சூழல் வந்துவிட்டது என்பதுதான். எம்பிக்களின் பயணத்திற்கு பிறகு ஜெயலலிதாவின் கேள்விக்கு பதிலளிக்கும் அறிக்கையொன்றில் நாங்கள் செலவு செய்து போய்வந்தோம். நீயும் முடிந்தால் போய் வா.. யார் தடுத்தது என்றார். 
8. உயர்நீதிமன்றத்தில் நடந்த வழக்கறிஞர்கள் காவல்துறையினர் அடிதடியெல்லாம் இவரின் நாடகத்தில் சிறந்த காட்சிகள்.  
9. பிரபாகரனின் தாயாருக்கு மருத்துவ சிகிச்சை என்று ஒரு நாடகம். அவரின் சார்பாக வந்த கடிதமே ஒரு நாடகம் தான்.
10. கட்ச தீவு பிரச்சினையிலும் தமிழக மீனவர்கள் பிரச்சினையிலும் இன்னும் கண்டனங்களையும் கடிதங்களையும் மட்டுமே அனுப்பி நாடகம் நடத்துகிறார்.
11. செம்மொழி மாநாட்டிற்காக புலிகள் தரப்பில் வந்த ஆதரவு கடிதமும் இவரின் நாடகங்களில் ஒன்று தான்.  
12. உலகதமிழ் மாநாடு நடத்தும் அமைப்பு உலகத்தமிழ் மாநாடு இப்போது நடத்துவது சரியில்லை என்று சொன்னதும் அந்த அமைப்பின் ஒப்புதல் இல்லாமலே நடத்த முயன்று பின்னர் அதையே உலகத்தமிழர் செம்மொழி மாநாடு என்று நாடகம் நடத்தினார். 
13. ஸ்பெக்ட்ரம் ஊழல் பற்றி பேசுவதை தவிர்க்க மோகன்ராஜ் என்கௌன்டர். 
14. முதுகுவலி என்கிறார்கள் இருந்தாலும் கலைநிகழ்ச்சிகள் என்றால் முதல் வரிசையில் இருக்கும் இவர் உடல்நிலை சம்பந்தமாகவும் நாடகம் தான் நடத்துகிறாரோ?

ஒவ்வொரு வருடமும் பல விஷயங்களை கடந்து வந்திருப்போம். அதில் ஒரு சில விஷயங்கள் என்னை மிகவும் பாதித்து இருக்கின்றன. ஆனால் அந்த விஷயங்களை எழுதுவதற்கு முன்னரே பலர் அதனை பற்றி எழுதி இருந்தாலும் நான் எழுதவில்லை என்பது தானே உண்மை. சில விஷயங்களை எழுதி பின்னர் நான் பதிவாக போட்டும் நான் வெளிவிடவில்லை. அப்படி காலங்கடந்த பதிவுகளை பற்றிய ஒரு பதிவு தான் இது. (இப்பவே கொட்டாவி வருது. அப்புறம் அடுத்தவருட பதிவில் தான் இந்த பதிவை பற்றி போட வேண்டிருக்கும்).


முதல் பதிவு சின்னஞ்சிறு குழந்தைகளை கொன்ற பாதகன் பற்றிய பதிவு. இதனை பற்றி எழுதினாலும் அதில் பல விஷயங்கள் நெருடலாகவே இருக்கின்றன. உண்மையான குற்றவாளி அவன் தான் என்றால் சுட்டுகொன்ற காவல்துறைக்கு கோவில் கட்டலாம். ஆனால் மோகன்ராஜ் முதல்நாள் தான் இதில் மேலும் சிலர் சம்பந்தப்பட்டு இருந்தனர் என்று கூறினான்.
 
இரண்டாம் பதிவு நீதிமன்ற தூக்குதண்டனையில் இருந்து தப்பித்து ஆயுள் தண்டனை என்று அறிவித்து இன்னும் விடுவிக்கபடாமல் இருக்கும் நளினி பற்றியது. இதில் ஆயுள்தண்டனை என்பதற்கான வரையறையை வலியுறுத்தி அந்த பதிவை எழுதினேன். முடிக்க முடியவில்லை. பல விஷயங்கள் புதிராகவே இருந்தன.( பெருந்தலைகள் எல்லாம் உலாவிக்கொண்டு இருக்கையில் இவரை போன்றவர்கள் தான் தமிழகத்தில் சட்டம் ஒழுங்கை கெடுக்க போகிறாரா?).


மூன்றாவது பதிவு சீமான் பற்றியது. பெரியார் திராவிடகழகத்தை போல் ஈழத்தமிழர்கள் விடயத்தில் நேர்மையாக போராடுபவர்களில் சீமானும் அடக்கம். அவரின் போக்கினை கண்டித்து ஒருவர் எழுதி இருந்தார். அவரின் கருத்திற்கு மறுப்பு கூறும் வகையில் அந்த பதிவு இன்னும் வெளியிடபடாமலே இருக்கின்றது.



நான்காம் பதிவு ஆழ்வார்குறிச்சி காவல் நிலையத்தில் சப் இன்ஸ்பெக்டராக இருந்த வெற்றிவேல் படுகொலை(ஜனவரி 7, 2010) பற்றியது. காலம் கடந்து எழுதினாலும் மனிதம் கேட்டுவிட்டது என்று  கூறுவதற்காக எழுதினேன். ஆனால் முடிக்கவில்லை.கண்முன்னர் உங்கள் வீட்டில் இருக்கும் ஒருவர் வெட்டுபட்டால் எப்படி துடிப்பீர்கள். அதில் ஒரு சதவிதமாவது அங்கே வேடிக்கை பார்த்தவர்கள் துடிக்கவில்லையே என்பது தான் எனது ஆதங்கம்.

ஐந்தாம் பதிவு பிரபாகரனின் தாயாரை இந்திய அரசு சென்னை விமான நிலையத்தில் வைத்துத் திருப்பி அனுப்பியது(ஏப்ரல் 17) பற்றியது. காலங்கடந்து பேசினாலும் அம்மாவை அத்தை என்று நாம் அழைப்பதில்லை. நம் அம்மா வயதை ஒத்த ஒருத்தருக்கு நடந்த அநீதி பற்றிய அந்த பதிவில் அவர் எழுதியதாக தமிழக அரசு கூறிய கடிதம் போலியானது என்று கூறியிருந்தேன்.


ஆறாம் பதிவு பெரியாரின் கொள்கைகளை காப்பாற்ற நினைக்காமல் தனக்கு மட்டுமே சொந்தம் கொண்டாடும் வீரமணியை பற்றியது. இவர் எப்போதுமே அந்த காலகட்டத்தில் இருக்கும் ஆளும்கட்சிகளின் அடிவருடியாக இருப்பார். பெரியாரின் கருத்துக்கள் மட்டும் அல்ல அவரின் புத்தகங்களும் தனக்கே சொந்தம் என கொண்டாடி பின்னர் நீதிமன்றத்தினால் குட்டு வாங்கினார். இன்னமும் இவரை நம்பும் தொண்டர்களை என்னவென்று சொல்வது.




இப்படி எழுதிய பல பதிவுகளை வெளியிடாததற்கு வரும் கண்டனங்களை நான் வரவேற்கிறேன்

நம்மில் பலர் இந்த விஷயத்தை கவனித்து இருக்கலாம், ஒரு சிலர் இதில் ரொம்ப அவஸ்தைகளை பட்டு இருந்திருக்கலாம். அந்த ஒரு விஷயம் நெடுஞ்சாலை உணவகங்கள். நெடுஞ்சாலைகளில் நெடும்தூரம் பயணிக்கும் பயணிகள் தங்களை பயணத்தின் களைப்பில் இருந்து மீட்டு கொள்ளவே மேலை நாடுகளில் நெடுஞ்சாலை உணவகங்கள் ஏற்படுத்தப்பட்டன. நமது முன்னோர்கள் கட்டிவைத்த சத்திரங்களும் அதனை போன்றதாகவே இருந்துள்ளன. ஆனால் நமது கலாசாரத்தில் சத்திரங்கள் முதலில் இலவசமாகவும் பின்பு குறைந்த கட்டணத்தில் பயணிகளுக்கு உணவளித்து இருந்துள்ளனர்.


அப்படி இருந்த தமிழகத்தில் நெடுஞ்சாலை உணவகங்கள் என்ற பெயரில் பயணிகளின் ரத்தத்தை உறிஞ்சும் ஒரு சில உணவகங்கள் உள்ளன. தொழுதூர், விழுப்புரம், கொட்டாம்பட்டி, திருமங்கலம், அருப்புகோட்டை போன்ற இடங்களின் அருகே நடக்கும் நெடுஞ்சாலை உணவகங்களில் அடிப்படை வசதிகள் எதுவும் கிடையாது. அப்படி ஒரு வேலை கழிப்பிடம் இருந்தாலும் அதில் மூக்கை பிடித்து கொண்டு தான் செல்ல வேண்டும். உள்ளே தைரியத்துடன் சென்று மீண்டவர்கள் பின்னர் அங்கே சென்றதற்கான தொற்று நோய்களில் அவதி உற்றுள்ளனர். வெளியிலே சென்று மலம், சிறுநீர் கழித்து வருவது பேருந்தில் வரும் பயணிகளுக்கு நலம். ஆனால் அதன் அருகிலே உள்ள உணவகத்தில் உணவருந்தும் பயணிகளின் நிலை?



சரி வெளிப்புறம் தான் இப்படி சுகாதாரகேடுகளின் மையமாக இருக்கிறது என்றால் உள்ளே அழுக்கில் மூழ்கி எடுத்து இருக்கும் ஒரு அறையினை போன்ற அறையில் தான் உணவு பரிமாறப்படுகிறது. அங்கு வழங்கப்படும் குடிநீர் எப்படி இருக்கும் என்று சொல்ல தேவையே இல்லை. அந்த அளவிற்கு சுகாதாரமான :-) நிலையில் தான் இந்த நெடுஞ்சாலை உணவகங்கள் இருக்கின்றன.



சரி சுற்றுப்புறமும் சூழ்நிலையும் தான் சரி இல்லை. உணவாவது நன்றாக இருக்கும் என்று பார்த்தால் அதுவும் இல்லை. நாங்கள் சுடுவது தான் தோசை, நாங்கள் செய்வது தான் பிரியாணி என்று ஒரு உணவகத்தில் கூறியுள்ளனர். இரவு நேரத்தில் இந்த இரண்டு மட்டுமே அந்த உணவகத்தில் இருக்கும். யார் கேட்டாலும் அது மட்டும் தான் தருவார்கள்.



முட்டை குருமா விலை: 25 ரூபாய்

தோசை ஒன்று விலை :20 ரூபாய்



இங்கு வெளியிடங்களிலோ இல்லை நமது அருகே இருக்கும் உணவகங்களில் இப்படி விலைக்கு நன்றாக இல்லாத உணவு இருந்தால் நாம் என்ன செய்வோம். நாம் அமைதி பேர்வழியாக இருந்தால் அடுத்த முறை இந்த உணவகத்திற்கு வருவதை தவிர்ப்போம்.(அடுத்தவர்களிடமும் இதையே சொல்லி வர வேண்டாம் என்று கூறுவோம்) கொஞ்சம் தைரியமான ஆளாக இருந்தால் அங்கேயே சண்டை போட்டு செல்வோம். ஆக எப்படி இருந்தாலும் அங்கே வரக்கூடியவர்கள் எண்ணிக்கை குறையும். ஆனால் இந்த உணவகங்களில் அப்படி எதுவும் நடக்காது. அடுத்த உணவகத்தில்(உங்களுக்கு பிடித்த நெடுஞ்சாலை உணவகத்தில் பேருந்து நிற்காது) சென்று சாப்பிட வாய்ப்பு கிடையாது. நடுக்காட்டில் உள்ள இவர்களின் உணவகங்களில் சண்டையெல்லாம் போட முடியாது.

அப்படி போட்டுவிட்டு உங்களால் பாதுகாப்பாக செல்வது கடினம்.